Azərbaycanın kişilərdən və qadınlardan ibarət milliləri Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında bu gün növbəti görüşlərini keçiriblər.

BUTA.TV xəbər verir ki, X turda Kuba ilə üz-üzə gələn kişilərdən ibarət millimiz 3:1 hesablı qələbəyə sevinib.

Yığma daha əvvəl Monteneqro (3:1), İordaniya (3,5:0,5), Finlandiya (3,5:0,5), Moldova (3:1) və Qazaxıstanı (3:1) məğlub edib, Hindistan (1:3) ilə Litvaya (1,5:2,5) uduzub, İtaliya (2:2) və Yunanıstanla (2:2) isə heç-heçəyə razılaşıb.

Eyni turda Monqolustanla münasibətlərə aydınlıq gətirən qadınlardan ibarət kollektiv isə 2,5:1,5 hesabı ilə qalib gəlib.

Qadınlardan ibarət millimiz daha əvvəl Sloveniya (3:1), Nikaraqua (4:0), Avstraliya (3:1), Vyetnam (2,5:1,5) İsveçrədən (4:0) üstün olub, Argentina, Ukrayna və İtaliya ilə heç-heçə edib (2:2), Qazaxıstana isə yenilib - 1:3.

• Azərbaycanda abortların sayı rekord həddə...
• Oxucularımı əhliləşdirmişəm, şeirlərimi anlayırlar - Seyidcahan
• Balıq bazarında bahalaşma gözlənilir - Video
• Leyla və Arzu Əliyevalar Lənkəranda - Fotolar
• "Mənim qızımı niyə gətirməmisən, görərdim" - Video
• Netanyahu Qəzza ilə bağlı orduya əmr verdi
• Bürc Xəlifə Azərbaycan bayrağının rəngləri ilə işıqlandırıldı
• Sərnişin qatarı Tiflisdən Bakıya yola düşdü