Beynəlxalq Respublikaçılar İnstitutu mart ayında Ermənistanda keçirdiyi sorğunun nəticələrini dərc edib.

BUTA.TV xəbər verir ki, respondentlərə “Bu bazar günü seçki olsa, hansı qüvvəyə səs verərdiniz” sualı ünvanlanıb.

Sorğu iştirakçılarının 21%-i hakim partiyaya – “Mülki müqavilə”yə səs verəcəyini açıqlayıb. Köçəryanın “Ermənistan” bloku 4%, Sərkisyanın “Şərəfim var” bloku isə 1% səs toplayıb. Digər partiyalar da 1-3% civarında səs alıb.

Respondentlərin 12%-i bülleteni korlayacağını, 30%-i seçkidə iştirak etməyəcəyini, 20%-i cavabda çətinlik çəkdiyini bildirib.

Yalnız İrəvanda keçirilən sorğuda isə Paşinyanın partiyası 17%, “Ermənistan” bloku 5%, “Şərəfim var” bloku 1%, Daşnaksütyun 2% və s. səs qazanıb.

Qeyd edilir ki, ümumilikdə seçkilərə maraq azalsa da, Paşinyanın partiyası digər bütün partiyaların ümumilikdə topladığı səsdən daha yuxarı reytinqə malikdir, əsas rəqiblərini isə qat-qat üstəliyir.

Xatırladaq ki, müxalifətin aylarla tənqid və təzyiqlərinə baxmayaraq, Paşinyanın mövqelərini nəinki qoruması, hətta reytinqini yüksəltməsi ciddi müzakirəyə səbəb olub.

• Azərbaycanda abortların sayı rekord həddə...
• Oxucularımı əhliləşdirmişəm, şeirlərimi anlayırlar - Seyidcahan
• Balıq bazarında bahalaşma gözlənilir - Video
• Leyla və Arzu Əliyevalar Lənkəranda - Fotolar
• "Mənim qızımı niyə gətirməmisən, görərdim" - Video
• Netanyahu Qəzza ilə bağlı orduya əmr verdi
• Bürc Xəlifə Azərbaycan bayrağının rəngləri ilə işıqlandırıldı
• Sərnişin qatarı Tiflisdən Bakıya yola düşdü