Milli Məclisin Mədəniyyət Komitəsinin sədri Qənirə Paşayeva Azərbaycan Yazıçılar Birliyinin üzvü, şair-tərcüməçi, Fəxri mədəniyyət işçisi Fəridə Hacıyevanı 70 illik yubileyi münasibəti ilə təbrik edib.

BUTA.TV xəbər verir ki, Milli Məclisdə baş tutan görüşdə ədibin yaradıcılıq uğurları, o cümlədən bu il gün üzü görmüş kitabı və planları ilə tanış olan, onunla fikir mübadiləsi aparan Komitə sədri ona Mədəniyyət Komitəsi adından xatirə hədiyyəsi və Təbrik məktubu təqdim edib.

Qeyd edilib ki, F.Hacıyeva 1972-ci ildən M.F.Axundzadə adına Azərbaycan Milli Kitabxanasında işləyib, 1992-ci ildən isə “Dövri mətbuat” bölməsinə rəhbərlik edib.

1982-ci ildən televiziya, radio verilişlərində və dövri mətbuatda ardıcıl çıxış edib.

1983-1992-ci illərdə Azərbaycan Aşıqlar Birliyinin metodisti və daha sonra Folklor şöbəsinin müdiri vəzifəsində çalışıb.

“Məni məndən alan dünya”, “Dünyama qovuşacağam”, “Ulduzlardan pay istərəm” (tərcümə), “Göylər pənahım mənim”, “Bağışla, Vətən, bağışla”, “Qaytaram Tanrı sevgisin”, “Hu, Mevlam, hu”, “Bir menekşe masalı”, “Yolum uzun”, “Könül dərgahım” adlı kitabları gün üzü görüb.

• Azərbaycanda abortların sayı rekord həddə...
• Oxucularımı əhliləşdirmişəm, şeirlərimi anlayırlar - Seyidcahan
• Balıq bazarında bahalaşma gözlənilir - Video
• Leyla və Arzu Əliyevalar Lənkəranda - Fotolar
• "Mənim qızımı niyə gətirməmisən, görərdim" - Video
• Netanyahu Qəzza ilə bağlı orduya əmr verdi
• Bürc Xəlifə Azərbaycan bayrağının rəngləri ilə işıqlandırıldı
• Sərnişin qatarı Tiflisdən Bakıya yola düşdü