“Vaqner” özəl hərbi şirkətin rəhbəri Yevgeni Priqojinin mayın 10-da muzdluların guya Baxmutdan çıxarılması ilə bağlı bəyanatı Rusiyanın müdafiə naziri Sergey Şoyqu ilə Priqojin arasında artan münaqişəyə dəlalət edir. Hələlik vaqnerçilərin qala şəhərindən çıxarılmasından danışmağa əsas yoxdur.

BUTA.TV xəbər verir ki, bu barədə Ukrayna Milli Müqavimət Mərkəzi məlumat yayıb.

Mərkəz bildirib ki, Priqojin hələ 2023-cü ilin martında vaqnerçiləri Baxmutdan geri çəkmək üçün məlumat kampaniyasına başlayıb.

“Şoyqu və Rusiya Silahlı Qüvvələrinin Baş Qərargah rəisi Valeri Gerasimov “Vaqner”i top yemi hesab edirdilər. Eyni zamanda, Şoyqunun vaqnerçilərə döyüş sursatı verilməməsi ilə bağlı mövqeyi ilk növbədə Priqojinlə şəxsi münaqişə ilə bağlıdır. Bu, Kremldə nüfuz uğrunda mübarizədir. Lakin problem təkcə “Vaqner”in döyüş sursatlarında deyil. Bir neçə aydır ki, Priqojin "Vaqner"in sırasını yeni yaraqlılarla doldura bilmir. Rusiya Müdafiə Nazirliyi “Vaqner”i sistemli şəkildə tükəndirir. Bu həm də Priqojinin özünün təsirinin zəifləməsinə gətirib çıxarır”, - məlumatda qeyd edilib.

• Azərbaycanda abortların sayı rekord həddə...
• Oxucularımı əhliləşdirmişəm, şeirlərimi anlayırlar - Seyidcahan
• Balıq bazarında bahalaşma gözlənilir - Video
• Leyla və Arzu Əliyevalar Lənkəranda - Fotolar
• "Mənim qızımı niyə gətirməmisən, görərdim" - Video
• Netanyahu Qəzza ilə bağlı orduya əmr verdi
• Bürc Xəlifə Azərbaycan bayrağının rəngləri ilə işıqlandırıldı
• Sərnişin qatarı Tiflisdən Bakıya yola düşdü