"Koroğlu" metrostansiyasının yaxınlığında yerləşən "Azərbaycan supermarket" MMC-nin tərkibinə daxil olan "Bravo" hipermarketin qarşısındakı pulsuz parkinq xidməti artıq ödənişli fəaliyyətə keçirilib.
Bu barədə daxil olan məlumatda deyilir ki, sözügedən ərazidə 1 saat müddətində parklanma pulsuz olsa da, növbəti saata keçdikdə xidmət haqqı 2 manat olur. Qeyd olunub ki, mağazalar şəbəkəsinin parkinqləri digər ərazilərdə də ödənişli olub. Bu vəziyyətdən narazılıq edən vətəndaşlar bildirirlər ki, alış-veriş üçün “Bravo”ya getdikləri zaman pullu parkinqə görə avtomobillərini yol kənarında saxlamağa məcbur olurlar. Çünki hipermarketdə alış-veriş 1 saatdan artıq müddətə başa gəlir. Qeyd olunub ki, ödənişsiz parklanmanın müddəti minimum 2 saat olmalıdır.
Pravda.az "Bravo"ya sorğu ünvanlayıb, 1 həftə keçməsinə baxmayaraq, məsələ ilə bağlı mövqe bildirilməyib. Ehtimal edilir ki, həmin parkinqlərdə mağazalara alış-verişə gəlməyən sürücülər də avtomobillərini park etdiklərinə görə bu addım atılıb.
- Azərbaycanda abortların sayı rekord həddə...
- Oxucularımı əhliləşdirmişəm, şeirlərimi anlayırlar - Seyidcahan
- Balıq bazarında bahalaşma gözlənilir - Video
- Leyla və Arzu Əliyevalar Lənkəranda - Fotolar
- "Mənim qızımı niyə gətirməmisən, görərdim" - Video
- Netanyahu Qəzza ilə bağlı orduya əmr verdi
- Bürc Xəlifə Azərbaycan bayrağının rəngləri ilə işıqlandırıldı
- Sərnişin qatarı Tiflisdən Bakıya yola düşdü