Bakıda şirkətlərin birində icraçı direktor vəzifəsində çalışan şəxs saxlanılıb.

BUTA.TV-ın Qaynarinfo-ya istinadən məlumatına görə, Cavid Vəliyevin (ad-soyad şərtidir) saxlanılmasına səbəb sevgilisini hədələməsi olub.

Belə ki, icraçı direktor vəzifəsində çalışan şəxs Ş.U. ilə 13 ildir qeyri-rəsmi münasibətdə olub. Amma qadın ondan ayrılmaq istəyib.

Təxminən bir il əvvəl qadın Cavidə ayrılmaq istədiyini deyib. Bu səbəbdən onun yaşadığı ünvana gedərək, Ş.U-nu döyərək xəsarət yetirib. Lakin qadın onu bağışlayıb və münasibətləri yenidən bərpa edilib.

Bir neçə gün əvvəl Ş.U. təqsirləndirilən şəxslə telefonla danışarkən yenidən ondan ayrılmaq istədiyini bildirib. Cavid Vəliyev zərərçəkmiş qadını hədələyib. Bu səbəbdən o, Nərimanov Rayon Polis İdarəsinin 16-cı Polis Şöbəsinə şikayət edib.

C.Vəliyev barəsində İnzibati Xətalar Məcəlləsinin 510-cu maddəsi ilə protokol tərtib edilib və iş məhkəməyə göndərilib.

Məhkəmə iş adamını 50 manat cərimə edib.

• Azərbaycanda abortların sayı rekord həddə...
• Oxucularımı əhliləşdirmişəm, şeirlərimi anlayırlar - Seyidcahan
• Balıq bazarında bahalaşma gözlənilir - Video
• Leyla və Arzu Əliyevalar Lənkəranda - Fotolar
• "Mənim qızımı niyə gətirməmisən, görərdim" - Video
• Netanyahu Qəzza ilə bağlı orduya əmr verdi
• Bürc Xəlifə Azərbaycan bayrağının rəngləri ilə işıqlandırıldı
• Sərnişin qatarı Tiflisdən Bakıya yola düşdü