Rusiya Prezidenti Vladimir Putinlə söhbətin əsas mövzusu Qarabağda vəziyyətin gərginləşməsi təhlükəsi ilə bağlı olub.

BUTA.TV xəbər verir ki, bunu Ermənistanın Baş naziri Nikol Paşinyan mətbuat konfransında deyib.

“Rusiya Prezidenti ilə dünənki söhbətimiz əsasən Qarabağda vəziyyətin eskalasiya təhlükəsi ilə bağlı olub. Rusiya sülhməramlılarının məsuliyyət zonasında problemlərin olması ilə bağlı məndə olan məlumatları, təəssüratları və fikrimi Putinə çatdırdım”, - o bildirib.

Paşinyan Azərbaycan hərbçilərinin Qarabağda “polis maşınına” (Xankəndidəki separatçı rejimin üzvləri – red.) “hücumundan” sonra sülhməramlıların bazası qarşısında etiraz aksiyasının keçirilməsinə diqqət çəkib və bunu gözlənilməz hadisə adlandırıb:

“Mən narahatlığımı Rusiya Prezidentinə bildirməyi zəruri hesab etdim”.

Jurnalistin Qarabağdakı vəziyyətin nizamlanması ilə bağlı Rusiyanın mövqeyini səsləndirmək xahişinə isə hökumət başçısı cavab verib ki, bu düzgün olmaz, çünki Moskva özü bunu dəfələrlə bildirib.

• Azərbaycanda abortların sayı rekord həddə...
• Oxucularımı əhliləşdirmişəm, şeirlərimi anlayırlar - Seyidcahan
• Balıq bazarında bahalaşma gözlənilir - Video
• Leyla və Arzu Əliyevalar Lənkəranda - Fotolar
• "Mənim qızımı niyə gətirməmisən, görərdim" - Video
• Netanyahu Qəzza ilə bağlı orduya əmr verdi
• Bürc Xəlifə Azərbaycan bayrağının rəngləri ilə işıqlandırıldı
• Sərnişin qatarı Tiflisdən Bakıya yola düşdü