Xalq artisti Emin Ağalarov ilk dəfə Azərbaycan dilində danışa bilməməyi haqda açıqlama verib.
BUTA.TV olay-a istinadla xəbər verir ki, bu mövzu ilə bağlı sənətçinin “Persona” verilişinə müsahibəsi zamanı aparıcı Nicat Xəlilov söz açıb. O deyib: “Mən indi azərbaycanca danışsam, yəqin ki, siz məni başa düşərsiniz”, - deyə, Azərbaycan dilində bildirib.
Emin isə çətinliklə anladığını qeyd edib:
“Çox çətinliklə başa düşürəm. Anlayıram ki, bu, mənim nöqsanımdır. Hərdən güzgüyə baxanda bunu özümə də deyirəm. Belə alınıb ki, 3 yaşım olanda valideynlərim Moskvaya köçüblər.
Bütün ömrümü Azərbaycandan kənarda yaşamışam. Uşaq əsas dilini evdəki danışıqdan götürür. Bizim evdə rusca danışırdılar.
Biz sovet dövrünün törəmələriyik. Rus dili onda dominant idi. Mən əcnəbi dilləri öyrəndiyim üçün belə alındı ki, Azərbaycan dilini öyrənmədim. İndi bildiklərimlə kifayətlənməli oluram. Azərbaycan dilini öyrənmək planımda həmişə olub. Mütəmadi olaraq söz bazamı artırıram.
Bunun üçün oturub bu işlə məşğul olmalısan. Mənim çoxlu müxtəlif işlərim olduğuna görə hər şeyə gücüm və vaxtım qalmır”.
- DYP-dən sürücülərə çağırış: Ehtiyatlı olun!
- Xankəndidə əlcək fabriki: Avropaya ixrac...
- 55 yaşlı kişi “Makarov”la tutuldu - Foto
- Yağış yağacaq, temperatur 6 dərəcə enəcək – Xəbərdarlıq
- Yağışlı hava ilə bağlı xəbərdarlıq
- Bakıya yağış yağır
- “İnsan yüz dəfə evlənib boşana bilər” – Aytən Səfərova göz yaşlarını saxlaya bilmədi
- “Holcim Azərbaycan”ın fəaliyyəti araşdırılsın! – Müraciət