Azərbaycanı UEFA Avropa Liqasında təmsil edəcək "Zirə"nin "Şerif"lə səfər oyununun ölkəmizdə yayımlanıb yayımlanmayacağı sual altındadır.
BUTA.TV xəbər verir ki, bu barədə Fanat.Az-a açıqlamasında "CBC Sport"un baş redaktoru Şəmsəddin Abbasov deyib.
Kanal rəsmisi Moldova tərəfindən cavab almadıqlarını, lakin danışıqların davam etdiyini bildirib: "Təmsilçilərimizin avrokubok oyunlarını yayımlamaq istəyimiz var. Bu mənada ilk olaraq "Zirə"nin "Şerif"lə səfər matçı üçün bir neçə gün əvvəl Moldova klubu ilə əlaqə yaratmışıq. Açığı, bizə qiymət demədilər. Sadəcə, gözləməyi məsləhət gördülər. Onların oyuna az qalmış istəyəcəyi məbləğ yüksək ola bilər. Ümumiyyətlə, bu gün və ya uzağı sabah bizə məlumat verməlidirlər ki, hazırlaşaq".
Qeyd edək ki, "Şerif" - "Zirə" oyunu iyulun 11-də, saat 21:00-da “Şerif” İdman Kompleksində reallaşacaq. Cavab oyunu isə bir həftə sonra “Liv Bona Dea Arena" gerçəkləşəcək və qarşılaşmanın start fiti saat 20:00-da səslənəcək.
- Xankəndidə əlcək fabriki: Avropaya ixrac...
- 55 yaşlı kişi “Makarov”la tutuldu - Foto
- Yağış yağacaq, temperatur 6 dərəcə enəcək – Xəbərdarlıq
- Yağışlı hava ilə bağlı xəbərdarlıq
- Bakıya yağış yağır
- “İnsan yüz dəfə evlənib boşana bilər” – Aytən Səfərova göz yaşlarını saxlaya bilmədi
- “Holcim Azərbaycan”ın fəaliyyəti araşdırılsın! – Müraciət
- Onların kabusu olacaq - Səsdən tanıyır