Xəbər verdiyimiz kimi, bir neçə gün əvvəl Speys TV-nin efirində meyxanaçı Rəşad Dağlının (Əmirov) ad günü qeyd edilib. Televiziya kanalında ağır cinayətə görə həbs edilən meyxanaçının ad gününün qeyd edilməsi görüntüləri sosial mediada birmənalı qarşılanmayıb.

Buta.tv xəbər verir ki, Audiovizual Şuranın Kommunikasiya sektorunun müdiri Taleh Quliyev Modern.az-a açıqlamasında sözügedən məsələ ilə bağlı Şuranın aidiyyəti struktur bölmələri tərəfindən araşdırma aparıldığını bildirib. O vurğulayıb ki, araşdırmanın nəticələrinə uyğun olaraq qanunvercilik çərçivəsində kanala rəsmi məktubla xəbərdarlıq edilib:

"Həmçinin televiziya kanalına bildirilib ki, eyni halın təkrarlanacağı təqdirdə inzibati cəza tədbiri - sanksiya tətbiq ediləcək".

Xatırladaq ki, Rəşad Dağlı ötən il noyabrın 9-da Bakının Qaradağ rayonu, Lökbatan qəsəbəsi ərazisində qonşusu - 1979-cu il təvəllüdlü İsgəndər Mehdiyevi maşınında bıçaqla qətlə yetirməkdə təqsirləndirilib. Bakı Ağır Cinayətlər məhkəməsinə qərarı ilə Rəşad Dağlıya 9 il 6 ay həbs cəzası verilib.

• Xankəndidə əlcək fabriki: Avropaya ixrac...
• 55 yaşlı kişi “Makarov”la tutuldu - Foto
• Yağış yağacaq, temperatur 6 dərəcə enəcək – Xəbərdarlıq
• Yağışlı hava ilə bağlı xəbərdarlıq
• Bakıya yağış yağır
• “İnsan yüz dəfə evlənib boşana bilər” – Aytən Səfərova göz yaşlarını saxlaya bilmədi
• “Holcim Azərbaycan”ın fəaliyyəti araşdırılsın! – Müraciət
• Onların kabusu olacaq - Səsdən tanıyır